Երևանում կիսագաղտնիության քողի տակ գործող Կրեմլի քաղաքականության քարոզչության թիվ 1 հրապարակային դեմքի կողմից համակարգվող «Գրիբոյեդով» ակումբը տևական դադարից հետո վերսկսում է իր գործունեությունը: Այս անգամ «Գրիբոյեդով»-ի հյուրը կլինի Ժողովրդավարության և համագործակցության ինստիտուտի նյույորքյան ներկայացուցչության ղեկավար, դասախոս, քաղաքական վերլուծաբան Անդրանիկ Միհրանյանը, ում հանդիպումը կկրի «Հայաստանն այսօր՝ աշխարհաքաղաքական ընտրություն» խորագիրը:
Վերջին անգամ «Գրիբոյեդով»-ի ակումբում հանդիպում տեղի էր ունեցել հունիս ամսին, և ակումբի հյուրն էր Վլադիմիր Լեպյոխինը: Այդ հանդիպումից մինչ այսօր ակումբը կարծես ժամանակավոր դադար էր վերցրել ու այժմ վերսկսում է իր գործունեությունը:
Հիշեցնենք, որ «Գրիբոյեդով» ակումբի հավաքները տեղի են ունենում ամիսը մեկ անգամ, երևանյան տարբեր էլիտար ռեստորաններում, որոնք հավաքների ժամանակ փակվում են։ Այդ հավաքներին մասնակցելու համար ամեն ամիս Հայաստան է ժամանում անձամբ Դմիտրի Կիսելյովը ։ Ընթրիքներն ուղեկցվում են հարցուպատասխանի ֆորմատով, տեղացիների հարցերին պատասխանում են ՌԴ-ից հրավիրված հյուրերը, որոնք փոփոխվում են։ Վերջին հանդիպումները տեղի են ունեցել «Երևան Պլազա» հյուրանոցի վերին հարկում գտնվող ռեստորանային համալիրում: