Դրամարկղերի համար նախատեսված թերմոթղթերը պարունակում են բիսֆենոլ-А (BPA)՝ պարզել են գիտնականները: Քիմիական այս միացությունը բացասաբար է ազդում մարդու էնդոկրին համակարգի վրա՝ գրում է MedDaily-ն:
Նախկին ուսումնասիրությունները BPA-ի ազդեցությունը կապում են ասթմայի, սիրտ-անոթային հվանդությունների զարգացման, վերարտադրողական համակարգի խափանման և այլ խնդիրների հետ: BPA-ն ներառված է սննդամթերքի փաթեթավորման և ըմպելիքների տարաների մեջ: Արտադրողները հաճախ այդ մասին զգուշացնում են իրենց արտադրանքի վրա:
Միսուրիի համալսարանի գիտնականնրի անցկացրած ուսումնասիրության ժամանակ դրամարկղից ստացված թերմոթղթի վրա տպված կտրոնը ստանալուց հետո փորձին մասնակցած տղամարդիկ և կանայք ձեռքերը մաքրել են ախտահանող միջոցներով: Այնուհետև նրանց արյան անալիզները ցույց են տվել, որ արյան մեջ BPA-ի մակարդակը զգալի բարձրացել է: Իսկ կտրոների համար նախատեսված թերմոթղթի արտաքին մակերևույթը պատված է բիսֆենոլ-С-ով, որը օրգանիզմի համար պակաս վտանգավոր չէ: Այսպես. արդյունաբերության մեջ BPA-ի և նման այլ քիմիական նյութերի օգտագործումը մարդու առողջությանը վնաս է հասցնում: Իսկ այդ նյութերով մշակված թղթերին դիպչելը մարդկանց մոտ մեծացնում է ճարպակալման և շաքարախտի սպառնալիքը:
Ամերիկացի գիտնականները ենթադրում են, որ իրենց ուսումնասիրության արդյունքները կազդեն նախկին հետազոտությունների եզրակացությունների վրա: