Ուկրաինան և Վրաստանը ունեն Հյուսիսատլանտյան դաշինքի մեջ մտնելու իրական հնարավորություններ՝ հայտարարել է ՌԴ-ում ՆԱՏՕ-ի տեղեկատվական բյուրոյի տնօրեն Ռոբերտ Փշելը։
«Կարծում եմ, որ հեռանկարն իրական է։ Մեզ մոտ բաց դռների քաղաքականություն է, այլ ոչ թե ՆԱՏՕ-ի էքսպանսիա»,- ասել է Փշելը շաբաթ օրը «Կոմերսանտ FM» ռադիոկայանին տված հարցազրույցում՝ խոսելով Ուկրաինայի ու Վրաստանի ՆԱՏՕ մտնելու հեռանկարի մասին։
Մեկնաբանելով Վրաստանի անդամությունը դաշինքին՝ Փշելը համոզմունք է հայտնել, որ դա ցանկանում է բնակչության մեծամասնությունը։ «Որևէ կասկած չկա, որ դա վրացիների մեծամասնության ցանկությունն է։ Վրաստանը մեծ առաջընթաց է գրանցել, բայց կան էլի բազմաթիվ չափորոշիչներ, որոնք դեռ հարկավոր է մշակել»,- ասել է նա։
Միաժամանակ Փշելը նշել է, որ ՆԱՏՕ-ն «որևէ գաղտնի ծրագիր չունի», թե ում է որոշված ընդունել այս տարի։ Դրա համար, նրա խոսքերով, «միշտ հարկավոր է քաղաքական որոշում»։