Արեգակի վրա տեղի են ունեցել հզոր բռնկումներ, որոնք, ըստ գիտնականների ուսումնասիրությունների, չեն դիտվել 2008-ից ի վեր: Ըստ NASA-ի տվյալների՝ Արեգակի վրա տեղի ունեցած բռնկումները կարող են զգալիորեն ազդել Երկրագնդի մագնիսական դաշտի վրա:
Արեգակի վրա խոշոր հետքերը հայտնաբերվելուց հետո ստացել էին AR 2192 անվանումը: Այն գիտնականներին հետաքրքրել էր նրանով, որ մի քանի օրվա ընթացքում ակտիվորեն մեծացրել էր իր չափերը՝ հասնելով Յուպիտերի չափերին՝ 140 հազար կիլոմետր շառավղով:
Մասնագետների տեղեկություններով՝ դա ամենախոշոր հետքն է. որը հաջողվել է հետևել ներկայիս արևային ցիկլում, այսինքն` սկսած 2008-ի հունվարից:
NASA-ի մասնագետները պնդում են, որ այդ հետքերը արդեն դարձել են հզոր պայթյունների պատճառ Արեգակի վրա, որոնք կարող են կրկնվել մոտակա օրերին ու ազդել Երկրագնդի մագնիսական դաշտի վրա՝ հարուցելով կապի հետ խնդիրներ ամբողջ աշխարհում: