ԱՄՆ-ը կարող է զրկվել ՅՈՒՆԵՍԿՕ-ի գործադիր խորհրդի կազմում ունեցած իր տեղից. խորհուրդը կվերընտրվի 2015-ի նոյեմբերին կայանալիք կազմակերպության գլխավոր համաժողովում:
«ԱՄՆ-ի վերընտրումը մեծ հարցականի տակ է, քանի որ նա չի կատարում վճարները»,- հայտարարել է կազմակերպության բարձրաստիճան աղբյուրը՝ փոխանցում է RIA Novosti-ն:
Նա հիշեցրել է, որ ամերիկացիները դադարել են ֆինանսավորել ՅՈՒՆԵՍԿՕ-ին 2011 թվականից՝ կազմակերպության շարքերում Պաղեստինի ընդունումից հետո:
ԱՄՆ-ի վճարները կազմել են ՅՈՒՆԵՍԿՕ-ի բյուջեի 22 տոկոսը: Զրկվելով Վաշինգտոնի ֆինանսական աջակցությունից՝ կազմակերպությունը հայտնվել է ճգնաժամի եզրին և որոշել սահմանափակել ԱՄՆ-ի նախաձեռնությամբ իրականացվող որոշ ծրագրեր: