Ֆլորիդա նահանգում բնակվող Մարթա Ռիվերան հրաժարվում է թողնել իր մահացու վտանգավոր աշխատանքը, այն է` կոկորդիլոսների հետ պայքարելը` չնայած 8 ամսական հղիությանը: Այս մասին հաղորդում է ABC News-ը:
Նշվում է, որ Ռիվերան և նրա ամուսինը` Ջեֆրին, ովքեր 8-ամյա որդի ունեն, երկու տարի է որպես կամավոր են աշխատում Էվերգլեյդս ազգային այգում:
Մարթան կոկորդիլոսների հետ պայքարին մասնակցում է միջինը շաբաթական երեք անգամ, և չի հրաժարվել մասնակցել շոուին նույնիսկ հղիության 8-րդ ամսում:
«Ես գիտեմ սահմանները, որոնք չի կարելի խախտել: Ես գիտեմ, թե կոկորդիլոսներից որի հետ կարելի է աշխատել, որի հետ` ոչ: Ես գիտեմ` ինչպիսի հնարքներ և ինչպիսի ծավալով ես կկարողանամ կատարել և որոնք չպետք է կատարեմ: Հավատացեք, ես չէի վտանգի ինձ և կենդանուն»,- հայտարարել է Մարթան: