LG կորեական ընկերությունը ներկայացրել է իր առաջին բջջային պրոցեսորը, որը ստացել է NUCLUN անվանումը: Այս մասին ասվում է ընկերության մամլո ասուլիսում:
Պրոցեսորը կառուցված է ARM big.LITTLE տեխնոլոգիայով: Դրանում Cortex-A15 4 միջուկ կա` 1.5 գեգահերց հաճախականությամբ և Cortwx-A7 ևս 4 միջուկ` 1.2 գեգահերց հաճախականությամբ: NUCLUN-ի միջոցով կարելի է տվյալները փոխանակել առավելագույն արագությամբ` 225 մեգաբիթ/վայրկյան:
Նոր պրոցեսորը կհայտնվի LG G3 Screen սմարթֆոնում, որը մշակված է հատուկ կորեական շուկայի համար:
