Գիտնականները պարզել են, թե ինչու է մարդն իրեն ընկերներ փնտրում: Գիտնականները փորձեր են անցկացրել մկների վրա, որոնց գեները առավելագույնս նման են մարդկանց գեներին: Այդ պատճառով էլ նրանք կարծում են, որ այդ նույն սկզբունքը գործում է նաև մարդկանց դեպքում, գրում է infosmi.net/zdorovie-ն:
Ուսումնասիրության ընթացքում գիտնականները խթանել են նեյրոնների խումբը, որը ստացել է VTA անվանումը: Նեյրոնների այս փոքր խմբի ներսում է գտնվում որոշումներ ընդունելու և հաճույքի կենտրոնը: VTA-ն ինքնին բազմաթիվ նյարդային ուղիների կենտրոնացումն է: Փորձերը ցույց են տվել, որ այդ կենտրոնները կարևոր դեր են խաղում սոցիալական և հոգեբանական խնդիրների զարգացման հարցում, մասնավորապես մասնակցում են թմրանյութերից կախվածության ձևավորմանը:
VTA-ի նեյրոնների ակտիվացման ժամանակ կրծողների մեջ սոցիալական ակտիվությունը բարձրացել է: Կրծողները ցանկություն են հայտնել ծանոթանալ նոր կենդանու հետ, որին վանդակ են բաց թողել: VTA-ի նեյրոնների ճնշման դեպքում, ընդհակառակը, մկները նախընտրել են իրենց տեսակի այլ ներկայացուցիչների հետ չեզոք հարաբերություններ ունենալ: Հարկ է նշել, որ երկու դեպքերում էլ փորձի մասնակիցները նույն կերպ հետաքրքրվել են շրջապատող տարածքով և անշունչ առարկաներով:
Այսպիսով, նեյրոնային ցանցը, որը կարող է ակտիվացնել սոցիալական ակտիվությունը, գոյություն ունի: Ինչքան ակտիվ է այն, այնքան շատ է մարդուն դուր գալիս շփվել մյուսների հետ: Մասնագետները համոզված են, որ այս բացահայտումը կօգնի հոգենյարդաբանական հիվանդությունների բուժման ժամանակ, որոնք կապված են այլ մարդկանց հետ շփումների դժվարությունների հետ, ինչպիսիք են աուտիզմն ու շիզոֆրենիան: