Ուրբաթ օրը նավթի համաշխարհային գներն անկում են ապրում` ներդրողների ենթադրությամբ` կապված Սաուդյան Արաբիայում նավթի արդյունահանման հետ: Այս մասին գրում է RIA NOVOSTI-ն` վկայակոչելով աճուրդի տվյալները:
Ամերիկյան WTI ապրանքանիշի դեկտեմբերյան ֆյուչերսների արժեքը, Երևանի ժամանակով 18:41-ի դրությամբ, նվազել է 2.05 տոկոսով` մինչև մեկ բարելի համար 80.44 դոլարը: Իսկ ահա Brent հյուսիսծովյան նավթային ապրանքնանիշի դեկտեմբերյան ֆյուչերսների գինը նվազել է 1.58 տոկոսով` մեկ բարելի համար մինչև 85.48 դոլար:
Նշենք, որ նավթի գները սկսել են աճել հինգշաբթի օրը`այն բանից հետո, երբ ԶԼՄ-ները հայտնեցին Սաուդյան Արաբիայի շուկա «սև ոսկու» մատակարարման մասին:
Նավթի գների տատանողականությունը փոփոխվեց ներդրողների այն ենթադրությունների ֆոնին, որ Սաուդյան Արաբիայից նավթի արտահանման նվազումը ազդանշան չէ երկրում նավթի արդյունահանման նվազման մասին: Որոշ վերլուծաբաններ ենթադրում են, որ Սաուդյան Արաբիայից նավթի մատակարարումների նվազումը կապված է երկրում մնացող նավթի ծավալների մեծացման հետ` ներքին պահանջարկի ավելացման պատճառով: