Ռուսաստանի նախագահ Վլադիմիր Պուտինը հայտարարել է, որ պատժամիջոցները չեն ազդի Ռուսաստանի գործողությունների վրա: Այս մասին նա ասել է միջազգային «Վալդայ» քննարկումների ակումբի մասնակիցների առջև:
«Պատժամիջոցների ճնշմամբ ոչ ոք երբեք, նույնիսկ փոքրիկ երկրները որոշումներ չեն ընդունում: Առավել ևս այնպիսի երկիրը, ինչպիսին Ռուսաստանն է, հաստատ ոչինչ չի անի, ինչ կցանկանային մեր այն գործընկերները, որոնք փորձում են ճնշել Ռուսաստանին»,- ասել է ՌԴ նախագահը:
Նրա խոսքերով` նման մոտեցումը «բացառապես հակաարդյունավետ է» և չի հանգեցնում խնդիրների լուծման:
«Ինչ վերաբերում է պատժամիջոցներին՝ պարտադրված են դրանք, թե ոչ, ես չէ, որ պետք է դատեմ այդ մասին: Բայց ԱՄՆ փոխնախագահը վերջերս ասել էր, որ իրենք ստիպված են եղել լրջորեն սեղմել եվրոպացի գործընկերներին, որպեսզի նրանք պատժամիջոցներ սահմանեն: Դա էլ նա է ասել, ոչ թե ես: Նշանակում է, ամեն դեպքում, սեղմել են»,- եզրակացրել է Պուտինը: