«Մենք դեմ ենք Եվրասիական տնտեսական միությանը Հայաստանի անդամակցությանը, և համարում ենք, որ Սերժ Սարգսյանը իր առ ոչինչ ստորագրությամբ Հայաստանը տանում է կործանման»: Այս մասին այսօր՝ հոկտեմբերի 24-ին եռյակի հանրահավաքում հայտարարել է «Ժառանգություն» կուսակցության առաջնորդ Րաֆֆի Հովհաննիսյանը:
«Այսօր ուզում եմ ասել հետևյալը, մենք հավաքվել ենք: Ով ուզում է՝ թող ասի՝ Լևոն և Կոնգրես, ով ցանկանում է ՝ Բարգավաճի անունը տա, բայց դրանից բարձր կա մի անուն և մի պետական դրոշ: Դա Հայաստանն է:
Դուք պատրա՞ստ եք կյանքի, մահվան պայքարի:
Ոչ մեկ այստեղ կանգնած, առաջին նախագահ, պարոն Ծառուկյանը, նախկին արտգործնախարարը, պաշտոնյաներ, քաղաքացիներ, օրիգինալ միտքի տեր չեն: Օրիգինալ միտքը գալիս է ժողովրդից, դուք եք ասելու, որն է Հայաստանի վաղվա օրը:
Մեզ պետք է հեղափոխություն, հեղափոխություն հոգու, մտքի, ազգի, քաղաքացու և մեր ազգային ապագայի,-իր ելույթում նշել է Ժառանգության առաջնորդը: