Օրերս բրիտանական Daily Mail տաբլոիդը ենթադրություն հայտնեց, թե Եվա Լոնգորիան հղի է՝ գրում է elle.ru-ն: Նման ենթադրությունների առիթը դերասանուհու լուսանկարներն էին, որ պապարացիներն արել էին լոսանջելեսյան Tavern ռեստորանի մոտ: Այնտեղ անցկացվում էր Հիլարի Քլինթոնի կազմակերպած միջոցառումը՝ հաջակցություն ԱՄՆ Սենատի ընտրություններում Դեմոկրատական կուսակցության թեկնածուների:
«Հուսահատ տնտեսուհիները» սերիալի դերասանուհին երեկույթին սև տաբատով էր ու սպիտակ ծալքերով բլուզով: Լուսանկարներից մեկում երևում է Լոնգորիայի կլորիկ փորիկը:
ԶԼՄ-ները հարց են տվել՝ արդյոք դա տեսողական խաբկա՞նք է, թե՞ դերասանուհին իսկապես հղի է: Իսկ դա միանգամայն հնարավոր է. չէ՞ որ նա արդեն ավելի քան մեկ տարի հանդիպում է մեդիամագնատ Խոսե Բաստոնի հետ:
