Համբուրգում IT-համաժողովի ժամանակ Անգելա Մերկելի սխալը հիմք է տվել YouTube-ում տեղադրելու կատակերգ: Այս մասին հայտնում է The Local-ը:
«Ուստի լավ է, որ ցանցային դաշինքը գոյություն ունի (…), և որ մենք, ինչպես ավելի վաղ հայտարարել է պարոն Հեթգեսը (Deutsche Telekom-ի ղեկավարը), 3 «F»-երի խելամիտ համակցությամբ՝ Frequenzen (հաճախականություն), Förderung (աջակցություն) և… ի՞նչ էր երրորդը, պարոն Հեթեգս: Հիմա չեմ հիշում: Ինչ-որ հասարակ բան…»,- համաժողովի ժամանակ հայտարարել է Մերկելը:
Առնվազն 1 րոպե անց պարզվել է, որ F տառով սկսվող երրորդ բառը Festnetz-ն է (Քաղաքային հեռախոսացանց):
Der Festnetz-Song (Հեռախոսային ցանցի երգ) անվանումը ստացած երգում կատարող Լուկասը այս կարգի հարցեր է տալիս՝ «Ի՞նչ է պետք մարդկանց, երբ լիցքաթափվում է բջջային հեռախոսը: Ո՞ր բառը Մերկելը չէր կարողանում հիշել այդքան երկար», ինչին Մերկելը «պատասխանում է»՝ Festnetz: Որպես Գերմանիայի կանցլերի պատասխան՝ երգի հեղինակներն օգտագործել են հատված Համբուրգում նրա խոսքից, երբ նա, վերջապես, հիշել է մոռացված բառը:
