Մեծ Բրիտանիայի թագուհի Էլիզաբեթ II-ն իր առաջին թվիթն է ուղարկել՝ Լոնդոնում Գիտության թանգարանում բացելով տեղեկատվական տեխնոլոգիաների պատմությանը նվիրված նոր պատկերասրահ: Այս մասին հայտնում է Ria Novosti-ն:
«Ուրախությամբ հայտնում եմ Գիտության թանգարանում «Տեխնոլոգիաների դար» ցուցահանդեսի բացման մասին և հույս ունեմ՝ այցելուները հաճույք կստանան այնտեղ այցելելով»,- գրել է թագուհին:
Թվիթն ուղարկվել է Գիտության թանգարանի էջով և արդեն վերահրապարակվել հազարավոր հետևորդների կողմից:
Թանգարանի նոր պատկերասրահը, որի բացումն արժեցել է 15.6 մլն ֆունտ ստերլինգ, նվիրված է վերջին 200 տարում հաղորդակցությունների պատմությանը: Մշտական ցուցադրության մեջ ընդգրկվել է 800 նմուշ: