Գագիկ Հարությունյանը դատապարտելի ոչինչ չի տեսնում Սահմանադրական դատարանում բողոքարկված կեղծված ընտրությունների մասին իրենց վճիռների մեջ. «Մենք ասել ենք՝ 100 անգամ էլ կրկնեք այս մեքենան, նույն արդյունքն եք ստանալու»,- «Ա1+»-ի փոխանցմամբ՝ ասել է Գ. Հարությունյանը։
Բարեփոխումների հայեցակարգում, ըստ պարոն Հարությունյանի, որոշակի դեր է վերապահում ընդդիմությանը ոչ միայն խորհրդարանում և ոչ միայն Ազգային Ժողովի փոխնախագահի կարգավիճակով. «Այլ նաև պետական ինստիտուտների ձևավորման, և վերահսկողական գործունեության»։
Ըստ հայեցակարգի, ամեն ինչ արվելու է, որ ընդդիմությունը մեծ դեր ունենա օրենքների ստեղծման և օրինագծերի առաջադրման մեջ։ Բայց արդյո՞ք դրա համար է հավաքվում ընդդիմությունը վերջին ամիսներին, թե՞ պայքարում է Սերժ Սարգսյանի վերարտադրման դեմ։ Այս հարցին չպատասխանեց ոչ Գագիկ Հարությունյանը, ոչ էլ նրա հայեցակարգին դրական գնահատական տված Վենետիկի հանձնաժողովի նախագահ Ջիաննի Բուքիքյոն. «Ես չեմ գտնում, որ շատ թույլ կողմեր կան բարեփոխումների հայեցակարգում, ըստ իս, այնտեղ կարող էին ավելի մեծ տեղ տալ ընդդիմության դերին»։
Ամբողջությամբ՝ սկզբնաղբյուր կայքում:
