Հոլիվուդյան սցենարիստ Աարոն Սորկինը հայտարարել է, որ Քրիստիան Բեյլը հաստատվել է Apple ընկերության հիմնադրի՝ Սթիվ Ջոբսի դերում ռեժիսոր Դեննի Բոյլի նոր կենսագրական ֆիլմում, հայտնում է spletnik.ru-ն:
Սորկինը նշել է, որ Բեյլի թեկնածությունը հաստատվել է առանց նախնական քասթինգի ու փորձերի:
«Մենք որոշեցինք, որ մեզ հարկավոր է լավագույն դերասանը, այդ պատճառով ընտրեցինք Բեյլին: Քրիստիանը չի անցել լսումներ, ես ու Դեննին պարզապես հանդիպեցինք նրան ու քննարկեցինք նախագիծը»,- ասել է Սորկինը:
Մամուլում տեղեկություններ էին հաղորդվում, որ նոր ֆիլմում կարող են գլխավոր դերակատարին մարմնավորել Լեոնարդո Դի Կապրիոն, Բրեդլի Կուպերն ու Բեն Աֆլեքը: