Կորեական LG ընկերությունը վերջին ամիսներին ակտիվորեն իրականացրել է սեփական պրոցեսորի մշակման աշխատանքներ: Այսօր չիպը պաշտոնապես ներկայացվել է՝ դրա հիման վրա առաջին սմարթֆոնի հետ միաժամանակ: Սարքը կրում է LG G3 Screen անվանումը՝ փոխանցում է Vesti-ն:
Nuclun անվանումով չիպը կազմված է 4 հզոր Cortex-A15 միջուկներից և 4 էկոնոմ Cortex-A7 միջուկներից:
Սարքն ունի 5.9 դյույմանոց Full HD խտությամբ դիսփլեյ, 2գբ օպերատիվ հիշողություն և 32 գբ ներկառուցված հիշողություն: Սարքի հետևի տեսախցիկը 13 մեգապիքսելանոց է, իսկ առջևինը՝ 2.1 մեգապիքսելանոց:
Այն հասանելի կլինի սև ու սպիտակ գույներով: Չափսերն են՝ 157.8 x 81.8 x 9.5 մմ, քաշը՝ 182 գրամ: