Amazon ընկերությունը կրել է խոշորագույն եռամսյակային վնասը վերջին 14 տարում, գրում է The Wall Street Journal-ը: Թերթը նշում է, որ դա կարող է կապված լինել նոր ապրանքների մշակման, երաժշտության և հոլովակների արտոնագրման և ընկերության ընդլայնման ռազմավարության շրջանակներում այլ ծրագրերի վրա արված ծախսերի ավելացման հետ: Եվս մեկ պատճառ է Amazon Fire սմարթֆոնի վատ վաճառվելը, ասվում է հոդվածում:
Amazon-ի մաքուր կորուստը երրորդ եռամսյակում հասել է 437 մլն դոլարի (նախորդ տարվա 41 մլն դոլարի դիմաց): Վաճառքն ավելացել է 20%-ով՝ մինչև 20,58 մլրդ դոլար:
Ընկերության օպերացիոն կորուստը կազմել է 544 մլն դոլար (նախորդ տարվա 25 մլն դոլարի դիմաց)՝ դառնալով ամենախոշորն Amazon-ի պատմության մեջ, նշում է պարբերականը: օպերացիոն ծախսերը 17,12 մլրդ դոլարից ավելացել են մինչև 21,12 մլրդ դոլար: