Ամերիկացի ձեռնարկատեր Դոնալդ Թրամփը ԱՄՆ նախագահ Բարաք Օբամային կոչ է արել հրաժարական տալ այն պատճառով, որ Նյու Յորքում հայտնվել է Էբոլա վիրուսով վարակման առաջին դեպքը:
Ավելի վաղ հաղորդվել էր, որ Նյու Յորքում հոսպիտալացված բժշկի արյան փորձաքննությունը տվել է Էբոլա տենդի առկայության դրական պատասխան: Հաղորդվում է, որ Կրեյգ Սփենսերը վերադարձել էր ԱՄՆ Արևմտյան Աֆրիկայից, որը Էբոլա տենդի օջախն է:
«Եթե այդ բժիշկը, ով այդպես անզգուշաբար Նյու Յորք է թռչել Արևմտյան Աֆրիկայից, հիվանդ է Էբոլայով, ապա Օբաման պետք է ներողություն խնդրի ամերիկացիներից և հրաժարական տա»,- Twitter-ի իր էջում գրել է գործարարը՝ մեկնաբանելով իրավիճակը:
Ավելի վաղ Թրամփը Օբամային կոչ էր արել արգելել Արևմտյան Աֆրիկայից թռիչքներն ԱՄՆ:
