ԲՀԿ առաջնորդ Գագիկ Ծառուկյանին պատկանող գործարաններում, հիմնարկներում, հանքերում և բազմաթիվ այլ հաստատություններում աշխատակիցներին հստակ հրահանգված է անպայման ներկայանալ հանրահավաքին, ինչպես նաև յուրաքանչյուր աշխատակցի վրա պարտավորություն է դրված իր հետ բերել ևս 4 հոգու:
Հայտնի է, որ այսօր տեղի ունենալիք հանրահավաքի ժամանակ Գագիկ Ծառուկյանը պետք է վերջապես արտաբերի, որ պահանջում է իշխանությունների և Սերժ Սարգսյանի հրաժարականը: Համենայն դեպս, նախորդ հանրահավաքին նա խոստացել է, որ բոլորը իրենից կլսեն այն, ինչ ակնկալում են: Իսկ ԲՀԿ-ականները ջանք չեն խնայում հրապարակը մարդաշատ դարձնելու համար: Այսօր ևս ավտոբուսներով մարդիկ են բերվելու Աբովյանից: Ընդ որում՝ նրանց տեղափոխումն արդեն սկսվել է և շարունակվելու է մինչև կեսօր: Ասում են՝ Ծառուկյանը փորձում է ցույց տալ, որ կարող է Տեր-Պետրոսյանից շատ համակիր հավաքել Ազատության հրապարակում:
