Չինաստանը Լուսնի ուղեծիր է արձակել փորձնական տիեզերական սարք, որն այնուհետև կվերադառնա Երկիր: Այս մասին հայտնում է «Սինհուա» գործակալությունը:
Գործակալության տվյալներով՝ արձակումն իրականացվել է Սիչուան մարզի Սիչան տիեզերակայանից:
Ծրագրվում է, որ տիեզերական սարքը կհասնի Լուսնի մոտ նախանշված կետին և կվերադառնա 8 օր անց: Սարքը վայրէջք կկատարի Ներքին Մոնղոլիա ինքնավար շրջանում:
Փորձնական արձակումը դարձել է Լուսնի զոնդավորման ծրագրի իրականացման հերթական քայլը: Ծրագիրը կրում է «Չանիե» անվանումը՝ ի պատիվ Լուսնի հին չինական աստվածուհու: Ծրագիրն իր մեջ ներառում է 3 փուլ՝ թռիչք Երկրի արբանյակի շուրջը, վայրէջք Լուսնի վրա և վերադարձ Երկիր:
Չինաստանը ծրագրում է 2017-ին արձակել «Չանիե 5» արբանյակը, որի առաքելությունը Լուսնի վրա վայրէջք կատարելու, լուսնային գրունտից նմուշներ հավաքելու և Երկիր վերադառնալու մեջ է: