Բախումները, որոնք սկսվել են պաղեստինցի Աբդուրրահման եշ-Շելուդիի մահվանից հետո (նա հիվանդանոցում մահացել էր ոոստիկանների կրակոցների հետևանքով), շարունակվում են: Այս մասին հայտնում է Anadolu Agency-ն:
Տասնյակ պաղեստինցիներ դիմակներով դիմակայել են իսրայելական ոստիկանությանը, որը փորձել է հայտնվել Երուսաղեմի արևելյան Սելվա շրջանում: Արդյունքում՝ ոստիկանությունը կիրառել է արցունքաբեր գազ, 10 մարդ վիրավորվել է:
Հաղորդվում է նաև, որ տասնյակ հրեաներից 12-ը, որոնք փորձել են փակել ճանապարհը և անցկացրել են ցույց, կալանքի տակ են:
Հիշեցնենք՝ երեկ Երուսաղեմում տրամվայի կանգառում ավտոմեքենայի մխրճվելու հետևանքով 8 մարդ է վիրավորվել, որոնցից 2-ը՝ ծանր, մահացել է նաև 3 ամսական երեխա: Պաղեստինցի Շելուդին, փորձելով փախչել դեպքի վայրից, սպանվել է ոստիկանի կրակոցից:
