ԱՄՆ-ը մտադիր է ազդել Ասիայի երկրների վրա՝ նրանց դրդելու միանալ Ռուսաստանի դեմ տնտեսական ճնշման միջոցներին՝ կապված Ուկրաինայի շուրջ իրադարձությունների հետ: Այս մասին ասել է ԱՄՆ պետքարտուղարի օգնականի՝ Եվրոպայի և Եվրասիայի հարցերով տեղակալ Փոլ Ջոնսը ճապոնական Nikkei պարբերականին տված հարցազրույցում: Վերջինս այժմ գտնվում է Տոկիոյում, իսկ շաբաթվա ընթացքում ծրագրում է այցելել Չինաստան և Հարավային Կորեա:
Նրա խոսքերով՝ «այժմ ամենից կարևորը պատժամիջոցների հարցում «Յոթյակի» խմբի դիրքորոշման շուրջ» միջազգային հանրության համախմբումն է»:
Նրա գնահատմամբ՝ Ռուսաստանի դեմ պատժամիջոցներն արդեն իրենց ազդեցությունը թողնում են: «Ռուսաստանից արտահոսում է մոտ 100 մլրդ դոլարի կապիտալ»,- հաստատում է դիվանագետը:
Նա նշել է, որ պատժամիջոցները մեղմելու չափանիշն այն է, թե որքանով են կատարվում Կիևի իշխանությունների և անջատողականների միջև կրակի դադարեցման պայմանները:
ԱՄՆ ներկայացուցչի խոսքերով՝ Ճապոնիան ամբողջությամբ կիսում է պատժամիջոցների նպատակը, իսկ Չինաստանը ևս գոհ չէ Ռուսաստանի գործողություններից:
