Անջելինա Ջոլիի նախկին ամուսինը՝ դերասան և ռոքեր Բիլի Բոբ Տորնթոնը պատմել է դերասանուհու հետ համատեղ կյանքի մասին: Նրա խոսքերով՝ դրանք «խելագար ժամանակներ էին»: Նրանք բաժանվել են «առանց ատելության»՝ փոխադարձ համաձայնությամբ: Երաժշտի խոսքերով՝ նա իրեն հոլիվուդյան դերասանուհու կողքին բավական երջանիկ չի զգացել:
Տորնթոն և Ջոլին ամուսնացած են եղել 2000-2003թթ.: Տաբլոիդները գրում էին, իբրև թե նրանք իրենց պարանոցներին միմյանց արյունով փոքրիկ տարաներ են կրում, ինչպես նաև միմյանց անուններով դաջվածքներ են արել, որոնք ամուսնալուծությունից հետո ստիպված են եղել հեռացնել:
Տորնթոնը պատմել է, որ նրանք իրոք նման մեդալյոններ են կրել, որը Ջոլին գնել է աշխատանքի պատճատով երկար բաժանումից առաջ:
Տորնթոնի խոսքերով՝ նա Ջոլիի հետ նկուղում է ապրել, որտեղ տեղակայված է եղել ձայնագրման ստուդիան: Արդյունքում, նրանց ԶԼՄ-ներում վամպիրներ են անվանել, իսկ նրանց բնակարանը՝ ընդհատակ: Տորնթոնը նշել է, որ ինչ էլ իրենց մասին գրել են ԶԼՄ-ները, այդ ամենը իրենց հիմքերն են ունեցել:
«Այն ամբողջ ժամանակահատվածը, երբ մենք միասին էինք ապրում, փոթորկի էր նման: Ինձ դա երբեք էլ դուր չի եկել: Դրա մասին կարող եմ այնքան շատ խոսել»- ասել է Տորնթոնը The Hollywood Reporter-ին տված հարցազրույցում:
Տորնթոնը Ջոլիի երկրորդ ամուսինն է: 1996-1997թթ. նա ամուսնացած է եղել դերասան Ջոննի Լի Միլլերի հետ: Իսկ 2014թ. ամուսնացել է Բրենդ Փիթի հետ: Նրանք միասին են արդեն ինը տարի և վեց երեխաների են դաստիարակում:
