Հոկտեմբերի 22-ին, Բևերլի Հիլզում, Կենդանիների նկատմամբ դաժանության կանխման ASPCA միությունը կոկտելային երեկույթ է կազմակերպել այն աստղերի համար, ովքեր աջակցում են ոչ առևտրային կազմակերպության գործունեությանը: Արարողությանը այցելել են հղի Միլա Յոյվովիչը, Քեյլի Կուոկոն, Նիկկի Ռիդը, Քեթրին Շվարցենեգերը և այլ հայտնիներ, գրում է Spletnik.ru-ն:
Արարողության շրջանակներում կենդանիներին օգնելու համար Նիկի Ռիդը և Քեյլի Կուոկոն մրցանակների են արժանացել: Նշենք, որ 28-ամյա Կուոկոն չորս ձի և երկու շուն ունի: Իսկ 26-ամյա Նիկի Ռիդը օգոստոս ամսին ձի է գնել, իսկ վերջերս կենդանիների ապաստանից կատու է վերցրել: Դրանից բացի դերասանները պարբերաբար խորհուրդ են տալիս երկրպագուներին հետևել իրենց օրինակին:
Հիշեցնենք, որ ASPCA կազմակերպությունը հիմնադրվել է 1866թ.: Այդ ժամանակվանից սկսած կամավորներն անդադար պայքարում են ԱՄՆ-ի տարածքում կենդանիների հետ դաժան վերաբերմունքի դեմ:
