ԱՄՆ իշխանությունները մշակել են «Իրաքի և Շամի իսլամական պետություն» (ԴԱԻՇ) խմբավորման ֆինանսավորման դեմ պայքարի պաշտոնական ռազմավարություն, հայտարարել է ԱՄՆ գանձապետարանի ահաբեկչության դեմ պայքարի և ֆինանսական հետախուզության հարցերով խորհրդական Դևիդ Քոենը Վաշինգտոնում Քարնեգի հիմնադրամի կազմակերպած Խաղաղության հարցերով միջազգային գիտաժողովում։ Այս մասին տեղեկացնում է RIA Novosti-ին։
Ռազմավարությունը բաղկացած է երեք՝ միմյանց հետ սերտորեն կապված տարրերից։ Մասնավորապես, նախատեսվում է կասեցնել միջոցների ուղղումը խմբավորմանը, սահմանափակել խմբավորման հասանելիությունը միջազգային ֆինանսական համակարգին և առաջարկել պատժամիջոցներ մտցնել ԴԱԻՇ-ի գերագույն հրամանատարության և ֆինանսական միջնորդների նկատմամբ, որպեսզի նրանց խանգարեն ֆինանսական գործարքներ իրականացնել։
Քոենի խոսքով՝ ԱՄՆ-ը «ԴԱԻՇ-ին կկտրի նավթի վաճառքից, պատանդների համար փրկագներից, շանտաժից, հանցագործություններից ստացվող եկամուտներից, արտասահմանյան հովանավորների աջակցությունից»։ Դրանից բացի, երկրի իշխանությունները «կանեն այնպես, որ ԴԱԻՇ-ի համար դժվար կլինի որևէ տեղ գտնել բանկ, որը ձեռք կտա նրանց փողերին կամ կկատարի նրանց տրանզակցիաները»։
ԱՄՆ իշխանությունները, պաշտոնյայի հավաստմամբ, սերտորեն համագործակցում են թուրքական ու իրաքյան իշխանությունների հետ՝ փորձելով հետևել և ոչնչացնել նավթի մաքսանենգության երթուղիները և պատժել նրանց, ովքեր մասնակցում են դրան։