Հունգարիան պատրաստվում է աշխարհում առաջինը հարկ դնել ինտերնետից օգտվելու վրա, գրում է Financial Times–ը։
«Դա վարչապետ Վիկտոր Օրբանի և նրա ավելի ու ավելի տիրապետող դարձող «Ֆիդես» կուսակցության վարած ոչ հետևողական տնտեսական քաղաքականության վերջին օրինակն է»,- նկատում է թերթը։
Էկոնոմիկայի նախարար Միխայ Վարգան չորեքշաբթի հրապարակել է այն ծրագրերը, որոնք ներառում են 150 ֆորինտի (0,62 դոլար) գանձումը օգտագործած ինտերնետ թրաֆիքի յուրաքանչյուր գիգաբայթի համար։ Նախարարը հայտարարել է, թե հարկը, որը պետք է մուծեն ինտերնետ պրովայդերները, լինելու է հեռախոսային զանգերի ու SMS-ների համար 2011 թ. սահմանված հարկերի հավաքման տրամաբանական շարունակությունը։
Եվրամիության փորձագետ Նելի Կրուզը համարում է, որ նման միջոցառումները կարող են վնասել հունգարական տնտեսության թվային ճյուղերի զարգացմանը։
«Ինտերնետի համար հարկի սահմանումը խելացի միտք չէ։ Դա կհանգեցնի օգտատերերի համար Ցանցի հասանելիության գների աճին»,- ասել է նա։