Ծննդյան տոներին առևտուրը հենց այն ոլորտն է, որը դուրս է գալիս առաջին պլան։ Հայտնի Սև ուրբաթի ինչպես օնլայն, այնպես էլ օֆլայն հանրաճանաչությունը միայն ապացուցում է այդ անվիճելի փաստը։
Ամբողջ աշխարհում առևտրի կենտրոններն ու ցանցային խանութները ամեն տարի միաժամանակ ակցիաներ են անցկացնում, այդ պատճառով կարևոր է իմանալ՝ երբ և ուր է ավելի լավ գնալ գնումների։ Այսպիսով, ներկայացնում ենք աշխարհի խոշորագույն ձմեռային զեղչերը։
Նյու Յորք, ԱՄՆ
1. Ավանդաբար, Գոհության օրվանից հետո միլիոնավոր խելահեղ ամերիկացիներ հերթի են կանգնում սուպերմարկետների առջև և գնում այն ամենը, ինչ դրված է վաճառասեղաններին։ Սև ուրբաթի կատաղությունը սահուն կերպով անցում է կատարում Կիբերերկուշաբթիի խելահեղությանը, որը նույնպես ավանդական է և անցկացվում է ամեն տարի։
2. Չնայած այն բանին, որ 2012 և 2013 թվականներին, կապված գնորդների շրջանում սմարթֆոնների ու պլանշետների լայն տարածվածության հետ, ճնշումը առևտրային կենտրոնների ապակե պատերին փոքր-ինչ նվազել է, սակայն Black Friday-ը մնում է ԱՄՆ-ի ամենախոշոր զեղչված միջոցառումը։
Ժամանակը՝ նոյեմբերի 29-ից մինչև հունվարի վերջը։
Հելսինկի, Ֆինլանդիա
3. Պետերբուրգի և Մոսկվայի բնակիչների համար, թերևս, առավել արդիական է ձմեռային շոփինգը Ֆինլանդիայում։
4. Հենց Հելսինկիում է գտնվում Սկանդինավիայի խոշորագույն առևտրային կենտրոնը՝ Itis Shopping Centre-ը։
Ժամանակը՝ դեկտեմբերի 27-ից մինչև հունվարի կեսերը։
Բեռլին, Գերմանիա
5. Բեռլինը հայտնի է ոչ միայն հայացքների, այլև գների ժողովրդավարությամբ։ Զարմանալի չէ, որ Weinachten–ում կարելի է գտնել Գերմանիայի լավագույն զեղչերըը։
6. Ծննդյան տոներին շուկաները բացվում են նոյեմբերի վերջին, սակայն բուն զեղչերն սկսվում են ավելի ուշ, այդ պատճառով կարելի է խանութներ այցելել հունվարի վերջին։
Ժամանակը՝ դեկտեմբերի 4-ից մինչև հունվարի 30-ը։
Լոնդոն, Անգլիա
7. Անգլիայում զեղչերն սկսվում են դեկտեմբերի 26-ից հետո։ Այդ օրը Մեծ Բրիտանիայում կոչվում է Boxing Day («նվերների օր»)։ Լոնդոնի ամենամեծ առևտրային կենտրոնը Westfield Stratford City-ն է։
8. Առևտի կենտրոնում ներկայացված է համաշխարհային հայտնի ապրանքանիշների (Miss Sixty, Forever 21, Uniqlo, Mulberry, H&M, Topshop) ավելի քան 200 խանութ։ Էլ ի՞նչ կարելի է երազել։
Ժամանակը՝ դեկտեմբերի 26-ից մինչև հունվարի 19-ը։
Վիեննա, Ավստրիա
9. Ճիշտն ասած՝ Վիեննան ամենալավ վայրը չէ շոփինգի համար, որովհետև Ծննդյան տոների շրջանում գները միջին եվրոպականից բարձր են։
10. Am Graben, Kohlmarkt և Kaerntnerstrasse-ն առավել հանրահանաճանաչ է գնորդների շրջանում և հայտնի է ամենաառատաձեռն զեղչերով և հին ու բարի Ավստրիան հիշեցնող գեղատեսիլ տնակներով։
Ժամանակը՝ նոյեմբերի 24-ից մինչև դեկտեմբերի 16-ը։
Բարսելոն, Իսպանիա
11. Թեժ վայր է ոչ միայն ուղղակի, այլև անուղղակի իմաստով, քանի որ գների «սառույցն» անշեղորեն հալչում է պլյուս ջերմաստիճանի ու Ծննդյան տոների զեղչերի շնորհիվ։ Passeig de Graciа փողոցում գնորդները ամեն տարի Շոփինգի գիշեր են անցկացնում։
12. Զեղչված վաճառքը Իսպանիայում սկսվում է արդեն նոյեմբերի վերջին։ Իսկ որոշ խանութներ բաց են նույնիսկ պետական տոների օրերին։
Ժամանակը՝ նոյեմբեր 25-ից մինչև դեկտեմբերի 23-ը։
Պրահա, Չեխիա
13. Բոլորի համար անսպասելիորեն, փոքրիկ Պրահան ձմեռային մեծ զեղչերի քաղաք է։
14. Գայթակղիչ է Պրահայի շուկան, որտեղ ներկայացված է մոտավորապես 1700 արտադրող և Fashion Arena (փառաբանված չեխական դիսքաունդերը)։
Ժամանակը՝ դեկտեմբերի կեսից մինչև հունվարի առաջին օրերը, հունվարի 7-8-ից մինչև փետրվարի կեսերը։
Փարիզ, Ֆրանսիա
15. Չնայած դեկտեմբերին Փարիզը կարող է շատ ավելի ուրախացնել ծննդյան շուկաներով, քան զեղչերով, այնուամենայիվ, հունվարին գներն իջնում են և Galeries Lafayette-ում, և Primtemps-ում, և Bouleverd Haussmann-ում։
16. Ընդհանրապես, զեղչերը Փարիզում տևում են մոտավորապես վեց շաբաթ, սակայն արժե գնումներ կատարել միայն վերջին երկու շաբաթվա ընթացքում, քանի որ հատկապես այդ ժամանակ են ամենամեծ զեղչերը։
Ժամանակը՝ հունվարի 8-ից մինչև փետրվարի 11-ը։
Ստամբուլ, Թուրքիա
17. Թուրքիայում ձմեռային զեղչերն ավելի երկարատև են, քան նախորդ երկրներում։ Սեզոնը սկսվում է դեկտեմբերին և ավարտվում մարտի սկզբին։
18. Կարելի է հանգիստ Նոր տարին ու Ծննդյան տոները նշել տանը, իսկ փետրվարի վերջին շոփինգային ճամփորդութ յուն կազմակերպել։
Ժամանակը՝ դեկտեմբերի կեսից մինչև փետրվարի վերջը։
Հոնկոնգ, Չինաստան
19. Մենք շատ բան գիտենք Եվրոպայի զեղչերի մասին, իսկ ինչպե՞ս է Չինաստանում։ Չինաստանում մեծ է ոչ թանկ ապրանքների քանակը, այդ պատճառով դժվար է պատկերացնել, թե ինչ նվազագույն նիշերի են հասնում գները չինական Նոր տարվա զեղչերի շրջանում։
20. Հիմնականում գների իջեցում տեղի է ունենում Հոնկոնգի կրպակներում և խոշոր առևտրային կենտրոններում։
Ժամանակը՝ դեկտեմբերից մինչև փետրվար։