Հավանաբար, «Բոկո Հարամ» իսլամիստական խմբավորման գրոհայինները մի քանի տասնյակ կնոջ և աղջկա են առևանգել Նիգերիայի արևելքում: Այս մասին հայտնում է BBC-ն:
BBC-ն, հղում անելով տեղի բնակիչներին, հայտնում է, որ դեպքը տեղի է ունեցել անցած շաբաթ օրը Ադամավա նահանգում: Առևանգվածների ստույգ թիվը չի հաղորդվում: Այս տեղեկության հերքում կամ հաստատում Նիգերիայի իշխանությունների կողմից չի ստացվել:
Անցած ուրբաթ օրը երկրի իշխանությունները հայտարարեցին «Բոկո Հարամի» հետ զինադադարի մասին, նաև որ պայմանավորվածություն է ձեռք բերվել ապրիլին առևանգված 219 դպրոցական աղջիկներին ազատելու մասին:
BBC-ն նշում է, որ «Բոկո Հարամի» անդամներն այդպես էլ չեն հաստատել Նիգերիայի իշխանությունների հետ զինադադարի ձեռքբերման մասին տեղեկությունը:
