Թուրքիայի կառավարությունը սիրիացի փախստականներին երկրում աշխատելու իրավունք տվող ժամանակավոր արտոնագրեր կտա: Այս մասին հայտնում է պաշտոնական Resmi Gazete-ը:
Այսպիսի որոշում է ընդունել Թուրքիայի կառավարությունը: Փաստաթղթի համաձայն՝ աշխատանքի և սոցիալական քաղաքականության նախարարությունը պետք է որոշի՝ որ նահանգներում և տնտեսության ոլորտներում սիրիացի փախստականները կկարողանա՞ն աշխատաշուկայի հասանելիություն ստանալ: Այդ փաստաթղթի հիման վրա վերջնական որոշում կընդունի նախարարների կաբինետը:
Աշխատանքի և սոցիալական քաղաքականության նախարարությունն արդեն սկսել է աշխատել փախստականներին ժամանակավոր արտոնագրեր տրամադրելու համար քվոտաներ սահմանելու ուղղությամբ: Սպասվում է, որ այդ գործընթացը մոտ 6 ամիս կտևի: Աշխատանքի թույլտվությունը փախստականներին իրավունք չի տա Թուրքիայում բնակության թույլտվություն ստանալ:
Ներկայումս Թուրքիայում մոտ 1,6 մլն սիրիացի փախստական կա: Նրանցից շատերը ստիպված են աշխատել անօրինաբար և ցածր վարձատրությամբ:
