«Մանչեսթեր Յունայթեդ»-ի նախկին գլխավոր մարզիչ Ալեքս Ֆերգյուսոնը խոսել է հոլանդացի մասնագետ Լուի վան Գալի մասին, ով ներկայումս գլխավորում է թիմը:
«Ակնհայտ է, որ Լուի վան Գալը շատ փոփոխություններ է կատարել: Մտածել եմ այս մասին ու եկել եզրահանգման, որ նա ճիշտ է վարվում: Նա թիմ է կառուցում ու համապատասխան փորձ ունի դա անելու համար: Աշխատանքի մեկնարկում ամեն ինչ չէ, որ կարգին էր: Ամեն դեպքում, ինձ մոտ ստացվեց, կստացվի նաև Վան Գալի մոտ:
Առաջին անգամ հանդիպեցինք, երբ նա աշխատում էր «Բարսելոնա»-ում: Նա հարցրեց՝ ինչպես եմ շփվում մամուլի հետ: Պատասխանեցի, որ մի քանի հետաքրքիր եղանակ եմ մշակել: Լուին չհամաձայնեց ինձ հետ և ասաց, որ ինքն այլ մոտեցում ունի: Ինձ համար հետաքրքիր է հետևել նրա մամլո ասուլիսներին: Նա չի ստում լրագրողներին, ու ասուլիսները հետաքրքիր են ստացվում:
Նա իսկական առաջատար է: Լուին գիտի՝ որտեղ ինձ գտնել, երբ ունի օգնությանս կարիքը»,- ասել է Ֆերգյուսոնը: