Թողարկման պատրաստվող բրիտանական Pink Floyd ռոք խմբի The Endless River ալբոմը գլխավորել է ամենասպասվող երաժշտական նորույթների ցանկն ու գերազանցել Amazon առցանց խանութում նախնական պատվերների թվով բոլոր ռեկորդները: Այս մասին հայտնում է The Independent-ը:
Այսպիսով՝ սկավառակը, որի թողարկումը կկայանա մոտ երկու շաբաթից, արդեն ժողովրդականությամբ գերազանցել է Coldplay-ի Ghost Stories-ին և բոլոր ժամանակների ամենապատվիրվող ալբոմին, որը թողարկվել է 2013-ին: Խոսքը One Direction խմբի Midnight Memories ալբոմի մասին է:
Ավելի վաղ Pink Floyd-ի մասնակիցները հաստատել էին, որ թողարկվելիք սկավառակը վերջինը կլինի խմբի պատմության մեջ:
Նոր ալբոմը, որը կազմված է ստեղծագործություններից, որոնք ձայնագրվել են 1993 թվականին The Division Bell սկավառակի համար, սակայն դրանում չեն ընդգրկվել, վաճառքի կհանվի նոյեմբերի 10-ին:
