Տարրական դասարանների բրիտանացի ուսուցչուհի Շառլոտ Թումիլթիին աշխատանքային առաջին օրը արգելել են դասավանդել՝ դաջվածքների առատության պատճառով: Այս մասին հայտնում է Metro-ն:
26-ամյա Թումիլթին պնդում է, որ իրեն տուն են ուղարկել ու խնդրել մաշկը փաթաթել կամ վիրակապով, կամ դրանց վրա ամրացնել պլաստիր:
Ընդ որում՝ St John Vianneys դպրոցի ներկայացուցիչները հայտարարել են, որ չեն արգելել ուսուցչուհուն դասավանդել, այլ խնդրել են ծածկել դաջվածքները:
Երկու երեխաների մայր ուսուցչուհին նշել է, որ դեպքից հետո գնել է երկար թևքերով հագուստ՝ հայտնելով, որ դրանից հետո «դպրոցի ղեկավարությունը շարունակում է կրկին ընդդիմանալ՝ իր մատների ու վզի դաջվածքների պատճառով»:
