Ճապոնիայում նշում են Երկրորդ համաշխարհային պատերազմի ժամանակ կամիկաձե-օդաչուների առաջին ռազմական թռիչքների 70-ամյակը, հայտնում է TASS-ը: Երկրի մի շարք սինտոական սրբավայրերում զոհվածների հարազատների, նաև ողջ մնացած նախկին մահապարտների (որոնք տարբեր հանգամանքներում ողջ են մնացել) մասնակցությամբ միջոցառումներ են անցկացվում:
Սակայն թեմայի նրբությունը հաշվի առնելով՝ ոչ մի պաշտոնական միջոցառում նախատեսված չէ:
Կամիկաձեների առաջին ջոկատը ձևավորվել է 1944թ. հոկտեմբերին Ֆիլիպիններում կապիտան Յուկիո Սեկիի գլխավորությամբ: Հոկտեմբերի 21-ին նրա ենթականերն իրականացրել են առաջին ինքնասպան գրոհն ամերիկյան նավերի վրա, բայց այն անհաջող ավարտ է ունեցել: Հաջողությունը եղել է հոկտեմբերի 25-ին, երբ օդ են բարձրացել անձամբ կապիտանն ու նրա ենթակաները հինգ Mitsubishi Zero կործանիչներով ֆիլիպինյան Լեյթե ծոցում, որը հիմա համարվում է մարդկության պատմության ամենամեծ ռազմածովային ճակատամարտը:
Կամիկաձեների գրոհների արդյունքում, ԱՄՆ տվյալներով, տապալվել է 34 նավ, մոտ 300-ը վնասվել է: Զոհվել է 6 418 կամիկաձե, սակայն նրանց թռիչքները չեն կարողացել բեկել պատերազմի ընթացքը, ինչի հույսն ունեցել է Տոկիոյի ռազմական ղեկավարությունը: