Պակիստանի նախկին նախագահ Ասիֆ Զարդարիի և 2007թ. մահացած վարչապետ Բենազիր Բհուտոյի որդին հայտարարել է, որ մարտահրավեր է նետում կառավարության գործող ղեկավար Նավազ Շարիֆին: Նա մտադիր է բողոքի զանգվածային ակցիաներ կազմակերպել ամբողջ երկրում, հայտնում է BBC-ի ռուսական ծառայությունը:
Բիլավալ Բհուտոն լրագրողներին ասել է, որ ուզում է վերակենդանացնել Պակիստանի ժողովրդական կուսակցության ազդեցությունը, որի համանախագահն է ինքը:
Բհուտոն վիրավորական քննադատություն է տեղացել հակակառավարական ցույցերի ներկայիս ալիքի առաջնորդներ Թահիր Քադրիի և Իմրան Հանայի վրա՝ նրանց անվանելով «մարիոնետներ, որոնք երկիրը դիկտատուրայի կտանեն»:
Նա նաև խոստացել է, որ իր կուսակցությունը կկենտրոնանա աղքատության դեմ պայքարի վրա:
Պակիստանի ժողովրդական կուսակցությունը երկիրը ղեկավարել է 2008-2013 թթ., մինչև հայտնվել է մի շարք կոռուպցիոն սկանդալների կենտրոնում: