Չնայած քննադատությանը, որը անցած տարի տեղաց հայտնի սոցցանցի ղեկավարության հասցեին, Facebook-ի լոնդոնյան բաժանմունքը խուսափում է տասնյակ միլիոնավոր ֆունտ ստերլինգի հասնող կորպորատիվ հարկերի վճարումից:
Facebook-ի ֆինանսական ծառայության պաշտոնական հաշվետվության համաձայն՝ ընկերությունը հայտարարագրել է տարեկան 79.89 մլն դոլար շահույթ: Սակայն eMarketer հետազոտական ընկերության կարծիքով՝ այդ թիվը խիստ նվազեցված է, ու 2013-ին սոցցանցը իր ղեկավարությունը բերել է 596 մլն դոլար:
Ինչպես գրում է The Guardian-ը, ավելի քիչ հարկեր վճարելու հարցում կորպորացիային օգնել է այն փաստը, որ ընկերության բրիտանական արժութային գործողությունների մեծ մասը անցնում է Իռլանդիայով, որտեղ հարկերի դրույքներն զգալիորեն ցածր են:
Facebook-ում հրաժարվել են մեկնաբանություններից՝ հայտարարելով, թե ընկերությունը մշտապես վճարում է հարկերը՝ յուրաքանչյուր երկրի օրենսդրության համապատասխան: