Հնէաբաններին հաջողվել է վերականգնել ամենաարտասովոր դինոզավրերից մեկի՝ դեյնոխեյրուսի պատկերը, որի առջևի վերջույթների ոսկորները հայտնաբերվել են դեռ 50 տարի առաջ:
Դրանում գիտնականներին օգնել է նոր գտածոն՝ Մոնղոլիայում հայտնաբերվել են 70 մլն տարեկան 2 լավ պահպանված Deinocheirus mirificus-ի կմախք:
Գիտնականների կարծիքով՝ նախապատմական դինոզավրը, որի անվանումը թարգմանաբար նշանակում է «սարսափելի ձեռք», եղել է հսկայական արարած՝ սապատով ու անատամ կտուցով:
Ինչպես ենթադրում են հնէաբանները, ամենակեր դինոզավրը ապրել է ներկայիս Մոնղոլիայի ճահիճներում, կերել է մանր կենդանիներ ու բույսեր իր երկար լեզվի օգնությամբ:
Մողեսի առջևի վերջույթները ունեցել են 3 մետր երկարություն: