Օրերս Բրեդ Փիթը Նյու Յորք էր ժամանել՝ երկրպագուներին և լավ կինոն գնահատողներին ներկայացնելու իր վերջին աշխատանքը՝ «Կատաղություն» ռազմական դրաման, այնուհետև հյուրընկալվել Ջիմի Ֆելոնի The Tonight Show-ին:
Հանդիսատեսն անակնկալների էր սպասում, որոնցից մեկը եղել է դերասանի և հաղորդավարի մասնակցությամբ կատակերգական տեսանյութը, որը տեսագրվել էր հեռուստանախագծի ստեղծողների կողմից հատուկ ծրագրի եթերի համար:
Նրանք իրենց ուժերն են չափել բրեյքդանսում: Փիթին ոչ ոք նախկինում չէր տեսել բրեյքդանս պարելիս: Հիմնական մասը կատարել են պրոֆեսիոնալ պարողները, սակայն աստղերը նույնպես ցուցադրել են իրենց հմտությունները: