Նյու Յորք նահանգի Նյու Ռոշել քաղաքում գտնվող տղաների ամերիկյան կաթոլիկ դպրոցը արգելել է Ջուլիանա Մուրի և Էլեն Փեյջի մասնակցությամբ նոր «Ժառանգության իրավունք» (Freeheld) ֆիլմի նկարահանումը, հաղորդում է The Guardian-ը: Դպրոցի ղեկավարության որոշումը կապված է նրա հետ, որ ֆիլմի գլխավոր հերսուհիները լեսբիական զույգ են:
Նյու Ռոշել դպրոցում պետք է նկարահանվեր ֆիլմի գլխավոր տեսարանը, որտեղ Մուրի հերոսուհին կոչ է անում քաղաքացիների ճանաչել համասեռամոլների իրավունքները մյուսներին հավասար, որից հետո մահանում է:
Պրոդյուսեր Մայքլ Շամբերգը դպրոցի տնօրեն Ջոն Ֆլաերթին ուղղված նամակում ընդգծել է, որ դրամայի գլխավոր գաղափարը կապված է համասեռամոլության թեմայի հետ:
«Ֆիլմում խոսքն այն կնոջ առավելությունների ճանաչման մասին, ով հանդիսանում է իր երկրի համարձակ քաղաքացին»,- բացատրել է նա:
Շամբերգը նաև հավելել է, որ հոկտեմբերի կեսերին Հռոմի պապ Ֆրանցիսկոսը կոչ է արել ավելի հանդուրժողաբար վերաբերվել համասեռամոլությանը:
«Ժառանգության իրավունք» ֆիլմը իրական պատմության վրա է հիմնված, որի բեմադրությամբ զբաղվելու է Փիթեր Սոլեթը: