Apple-ը թողարկել է ձեռնարկատերերի համար նախատեսված Maps Connect, որը թույլ է տալիս կազմակերպության տվյալներով քարտ ստեղծել և այն ամրակցել Apple Maps-ի քարտեզներին: Այս մասին գրում է Serach Engine Land-ը:
Ծառայությունը նախատեսված է մասնավոր բիզնեսի սեփականատերերի և նրանց ներկայացուցիչների համար: Ընկերության քարտի վրա կարելի է նշել կազմակերպության կայքը, սոցիալական ցանցերում դրա խմբերի հղումները, աշխատանքային ժամերը, զբաղմունքի ոլորտը և աշխատանքային հեռախոսահամարը:
Maps Connect-ում գրանցվելու համար նախապես պետք է վերիֆիկացիա անցնել: Բացի այդ, ցանցի բոլոր օգտատերերն Apple ID-ում կայքէջեր պետք է ունենան:
