Google ընկերությունը 542 մլն դոլար է ներդրել Magic Leap սթարթափում, որը «համալրված» իրականությամբ ակնոցներ է մշակում: Այս մասին հաղորդում է The Wall Street Journal-ը:
Այդ ակնոցների միջոցով հնարավոր կլինի տեսնել իրական շրջապատող աշխարհում գտնվող թվային օբյեկտները: Magic Leap-ը մյուս «խելացի» ակնոցներից տարբերվում է նրանով, որ գաջեթը պատկերը չի արտացոլում ակնոցներին ամրակցված փոքրիկ էկրանի վրա, այլ այն «արտացոլում» հենց օգտատիրոջ ցանցաթաղանթին:
Չնայած սթարթափի մասին քիչ բան է հայտնի` Google-ը դրա նկատմամբ մեծ հետաքրքրություն է ցուցաբերում:
