Թուրքիան կբացի սահմանը, որպեսզի իրաքցի քրդերը կարողանան միանալ սիրիական Քոբանի (Այն-էլ-Արաբ) քաղաքում ԴԱԻՇ («Իրաքի և Շամի իսլամական պետություն») ահաբեկչական խմբավորման դեմ պայքարին: Այս մասին հայտնում է «Ալ-Ջազիրա»-ն:
Այսպիսի հայտարարություն է արել Թուրքիայի ԱԳՆ ղեկավար Մևլութ Չավուշօղլուն՝ ավելացնելով, որ այդ հարցով բանակցությունները դեռ ընթանում են:
Նշվում է, որ այդ որոշումը կարող էր ընդունվել Թուրքիայի նախագահ Ռեջեփ Թայիփ Էդողանի և ԱՄՆ նախագահ Բարաք Օբամայի խոսակցությունից հետո: Աղբյուրի խոսքով՝ Օբաման Քոբանիում իրավիճակը բնորոշել է «անհույս»: