Հարավային Կորեայի իշխանություններն ապամոնտաժել են տոնածառ հիշեցնող մետաղական կոնստրուկցիան, որը ավելի քան 40 տարի գտնվել է Հյուսիսային Կորեայի հետ սահմանին: Այս մասին հայտնում է BBC-ն:
Հարավկորեացիները ամեն տարի Ամանորին 20 մետրանոց պողպատե կոնստրուկցիան զարդարել են լույսերով:
Տոնածառի լուսե զարդարանքը հաճախ Հյուսիսային Կորեայում ընկալվել է որպես սադրանք:
Հարավկորեական իշխանությունների խոսքով՝ որոշվել է պողպատե եղևնին ապամոնտաժել, քանի որ վերջին տարիների կոնստրուկցիան այլևս անվտանգ չի համարվել: ՊՆ ներկայացուցչի խոսքով՝ աշտարակը կարող էր ընկնել ուժգին քամուց:
Որոշ վերլուծաբաններ որոշման հետևում տեսնում են հարևանի հետ հարաբերությունները հարթելու հարավկորեական իշխանությունների ձգտումը:
