Ճապոնիան ու ԱՄՆ-ը տիեզերքում կիրականացնեն ռազմական համագործակցություն՝ հակազդելու Չինաստանի հնարավոր հարձակումներին:
Ինչպես հայտնել է «Ասախի» թերթը, նման պլաններ են արտացոլված պաշտպանության ոլորտում ճապոնա-ամերիկյան համագործակցության հիմնադրույթներում, որոնք կհրապարակվեն մինչև տարեվերջ:
«Մեզ մտահոգում է չինական զինված ուժերի հնարավորությունների մեծացումը»,- թերթը մեջբերում է ԱՄՆ պետքարտուղարի օգնականի՝ զինված ուժերի, ստուգումների ու համաձայնագրերի վերահսկողության հարցերով տեղակալ Ֆրենկ Ռոուզի խոսքերը:
Պաշտոնյայի խոսքով՝ Չինաստանը արդեն հուլիսին փորձարկել է հակաարբանյակային հրթիռներ:
Համաձայն փաստաթղթի՝ Ճապոնիայի աերոտիեզերական գործակալությունը պարտավորված կլինի ԱՄՆ ԶՈՒ-ին տրամադրել տեղեկություն տիեզերական սարքերի մասին, որը կհավաքեն իր արբանյակներն ու ռադարները:
ԱՄՆ տիեզերական գործողությունների միացյալ կենտրոնը (JspOC – Joint Space Operations Center) կիրականացնի ռազմական նպատակներով տիեզերական օբյեկտների հետազոտություն: