Google համացանցային ընկերությունը հայտարարել է սեփական օգտահաշիվ մուտք գործելիս անձը հաստատող ևս մեկ միջոցի աջակցության մասին՝ ֆիզիկական USB-բանալու միջոցով: Այս մասին ասվում է Google-ի կիբերանվտանգությանը նվիրված բլոգում:
«Այսօր մենք ներկայացնում ենք ուժեղացված պաշտպանություն՝ մտահոգված օգտատերերի անվտանգությամբ: Security Key-ն ֆիզիկական USB-բանալի է, որը գործում է միայն այն դեպքում, եթե կայքը, որտեղ փորձում է մուտք գործել օգտատերը, Google-ի իրական կայք է, ոչ թե կեղծ ռեսուրս: Տեղադրեք Security Key-ն համակարգչի USB-պորտալում ու հետևեք Chrome-ի ցուցումներին:
Երբ դուք մուտք գործեք Google-ի օգտահաշիվ Chrome-ի միջոցով Security Key-ի օգնությամբ, կարող եք վստահ լինել, որ պաշտպանված եք ֆիշինգից»,- նշում են Google-ի մասնագետները:
Security Key-ն բաց ստանդարտ է, որը թույլ է տալիս հաստատել օգտահաշվի գրանցման տվյալները ֆիզիկական սարքի օգնությամբ:
