Անկարայի համալսարանի ուսանողների միջև (քրդերի և Երիտասարդների թուրքական միության ներկայացուցիչներ) բռնկված ծեծկռտուքի հետևանքով վիրավորվել է 5 մարդ: Այս մասին գրում է Hurriyet պարբերականը:
Անկարայի համալսարանի տարբեր քաղաքական հայացքներ ունեցող ուսանողների միջև բախումները տեղի են ունեցել երեքշաբթի օրը: Ոստիկանության տվյալներով՝ դրան մասնակցել են Թուրքիայում արգելված՝ Քրդստանի Աշխատավորական կուսակցության և Երիտասարդների թուրքական միության ներկայացուցիչները:
Ոստիկաններին հաջողվել է ցրել կռվողներին, որից հետո 5 մարդ հոսպիտալացվել է: Ներկայում համալսարանի մասնաշենքը շրջափակված է, իսկ պարապմունքները չեղյալ են հայտարարվել: