««Ժողովուրդ»-ը տեղեկացել է, որ ՀՀ ԱԺ նախկին պատգամավոր Լևոն Սարգսյանի (Ալրաղացի Լյովիկ) եղբայրը` Արմեն Սարգսյանը, նշանակվել է ԱԺ աշխատակազմի գործերի կառավարչության ավտոտրանսպորտային բաժնի ղեկավար: Մեր տեղեկություններով` Արմեն Սարգսյանն այդ պաշտոնում նշանակվել է մոտ մեկ ամիս առաջ: Նա ԱԺ նախագահ Գալուստ Սահակյանի որդու ընկերն է: Բացի այդ` խորհրդարանում շրջանառվող լուրերի համաձայն` ԱԺ նախագահի մոտ արդեն տեւական ժամանակ է քննարկվում է նաեւ Լևոն Սարգսյանին խորհրդարանում աշխատանքի «տեղավորելու» հարցը: Ըստ մեր տեղեկությունների` տարբերակներից մեկով նախկին պատգամավորը հնարավոր է նշանակվի ՀՀ ԱԺ նախագահ Գալուստ Սահակյանի խորհրդական: Սակայն այդ որոշումը դեռեւս մնում է որպես մտադրություն, քանի որ Լեւոն Սարգսյանը փորձում է դառնալ «Սեւան ազգային պարկ» ՊՈԱԿ-ի ղեկավար»։
Մանրամասները՝ թերթի այսօրվա համարում