Գերմանիայում ձերբակալել են 3 ամերիկուհիների, ովքեր մտադիր էին միանալ ԴԱԻՇ ահաբեկչական խմբավորմանը: Այս մասին հայտնում է ABC-ն՝ հղում անելով իրավապահ մարմինների աշխատակցին:
Հետաքննությունների դաշնային բյուրոն հետևել է երեք դեռահաս աղջիկներին Գերմանիայում, երբ նրանք արդեն գտնվել են Սիրիայի ճանապարհին: 15 և 17-ամյա քույրերը՝ Սոմալիից, և նրանց 16-ամյա ընկերուհին՝ Սուդանից, դարձել էին քարոզչության զոհ, որը ԴԱԻՇ-ի զինյալներն իրականացնում են համացանցում:
Ամերիկուհիներն ուղարկվել են ԱՄՆ և արդեն միավորվել իրենց ընտանիքներին, որոնք երեխաներին կորած էին համարում: Աղջիկները դեռևս չափահաս չեն, այդ իսկ պատճառով հայտնի չէ՝ նրանք կենթարկվե՞ն պատասխանատվության:
Ավելի վաղ հայտնի էր դարձել, որ Վիեննայից անհետացած դեռահասը Սիրիայում միացել է ԴԱԻՇ-ին: