Իսրայելցի հնագետները, որոնք պեղումներ են կատարել Երուսաղեմի հին թաղամասում, պատմական հուշարձան են հայտնաբերել: Այն արդեն ճանաչվել է Երուսաղեմում գտնված Հռոմեական տիրապետության ժամանակաշրջանի ամենակարևոր հուշարձաններից մեկը, հաղորդում է NEWSru. Israel-ը:
Խոսքը լատիներենով մակագրված քարե սալիկի կտորի մասին է: Այն, սակայն, հետագայում հղկվել և օգտագործվել է ջրհոր կառուցելու համար: Նշենք, որ քարի մեկ այլ հատվածը հայտնաբերվել էր XIX դարի վերջին:
Մակագրությունում ասվում է. «Կայսր Ցեզար Տրոյանոս Ադրիանոս Օգոստոսին` Տրայանոսի որդուն, պարթևներին հաղթողին, աստվածային Ներվայի թոռանը, գերագույն քուրմին, ազգային ատյանին` 14-րդ անգամ, կոնսուլին` 3-րդ անգամ, հայրենիքի հորը նվիրվել է Ֆրետենիզ 10-րդ լեգեոնը»:
Կայսեր պարտականությունների թվարկումը թույլ է տվել փաստաթուղթը թվագրել մեր թվարկության 129-130 թվականներին:
