Ըստ IHS ընկերության գնահատականների` մինչև ԱՄՆ-ի կողմից ավիահարվածների սկսվելը նավթի վաճառքը ԴԱԻՇ-ին (Իրաքի և Շամի Իսլամական հանրապետություն) մոտ 800 մլն դոլար եկամուտ է բերել տարեկան կտրվածքով:
IHS-ի տվյալներով` ԴԱԻՇ-ի կողմից արդյունահանվող նավթի ծավալը Հյուսիսայի Իրաքում և Սիրիայում օրական 350 հազար բարել է: Իսկ մինչև ԱՄՆ-ի և դաշնակիցների ավիահարվածները նավթարդյունահանման իրական ծավալները մեկ օրվա ընթացքում 50-60 հազար բարել են կազմել:
«Իրական ծավալները կազմում են արդյունահանման ցուցադրվող ծավալների միայն մի փոքր մասը մինչև ռազմական գործողությունների սկսվելը: Եվ չնայած նավթի գլոբալ շուկայի կոնտեքստում այդ թվերը համեմատաբար մեծ չեն, իսկ ԴԱԻՇ-ը նավթը վաճառում է շատ ցածր գներով, արդյունահանվող նավթի արժեքը տարեկան կտրվածքով հասնում է 800 մլն-ի»,- ասվում է հաղորդագրությունում:
